அண்ணா நூற்றாண்டு நூலகம் இட மாற்றம் - ஏன் இந்த காழ்ப்புணர்ச்சி?

தமிழகத்தில் ஒரு கலாசாரம்  நிலவுகிறது. இங்கு அ.தி.மு.க.அல்லது தி.மு.க இரண்டில் எதாவது ஒரு கட்சி  ஆட்சிக்கு வருகின்றது. இதில்  எந்த கட்சி ஆட்சிக்கு வந்தாலும் முந்தைய ஆட்சியில் போட்ட அனைத்து திட்டங்களையும் அடியோடு  மாற்றுகின்றன. தி.மு.க. ஆட்சியில் அவர்கள் அடித்த கொள்ளை போக எதாவது உருப்படியாக செய்த காரியம் எதுவென்றால்  அண்ணா நூற்றாண்டு நூலகம் கொண்டு வந்தது தான். இன்றுள்ள நவீன உலகத்திற்கு ஏற்றவாறு வீடியோ லைப்ரரி,குழந்தைகள் பிரிவு , போட்டி தேர்வு பிரிவு, கண் பார்வை அற்றவர்களுக்கான பிரிவு என பல நவீன வசதிகளோடு இந்த நூலகம் அமைந்துள்ளது.சென்னையில் பழமையான நூலகமான கன்னிமாராவை விட பல மடங்கு நவீன வசதிகளை கொண்டு அண்ணா நூற்றாண்டு நூலகம்கட்டப்பட்டுள்ளது.

மேலும் படிக்க

வாச்சாத்தி - அதிகார வர்க்கத்திற்கு எதிரான மக்கள் போராட்டம்

வீரப்பன் தேடுதல் வேட்டை என்ற பெயரில் கர்நாடக - தமிழக கூட்டு அதிரடிப்படையும், வனத்துறையும் சேர்ந்து மலை வாழ் கிரமா மக்களுக்கு இளைத்த கொடுமைகள் கொஞ்சம் நஞ்சம் அல்ல. வீரப்பன் பெயரை சொல்லிக்கொண்டு வனத்துறையினரே  சந்தனமரங்களை வெட்டி கடத்திக்கொண்டுருந்தனர்.அதற்கு அதிரடிப்படையும், வருவாய் அலுவலர்களும் துணைபோனார்கள்.

மேலும் படிக்க...

பெட்ரோல் விலை உயர்வு : ஆதாயம் அனைத்தும் முதலாளிகளுக்கே!

இன்று (16.09.2011) பெட்ரோல் விலை உயர்வை ( தனியார் கம்பனி நிர்ணயம் செய்ததை) அரசு அறிவித்துள்ளது. இந்த உயர்வு சாதாரண மக்களுக்கு பேருடியாக அவர்களின் பட்ஜெட்டில் இறங்கியுள்ளது. தனியார் கார், பைக் கம்பனிகள்  அது துவங்குவதில் இருந்து குறைந்த விலையில்  நிலம், கச்சா பொருள் , குறைந்த கூலி, இயற்றப்பட்ட அனைத்து சட்டங்களையும் மீறும் அதிகாரம், போலிஷ் பாதுகாப்பு, குறைந்த வட்டிக்கு லோன் ஆகிய அனைத்து சலுகைகளையும் வாரி வழங்குகிறது அரசு . 1  லட்சத்திற்கு கார் என அறிவித்து அனைத்து சாலைகளும் போக்குவரத்து நெரிசலில் தள்ளாடுகிறது. தவணை முறையில் கடன் கொடுத்து கண்ணுக்கு தெரியாமல் அதிக வட்டியை பைனான்ஸ் கம்பனிகள் பிடுங்குகின்றன. அரசும் பொது போக்குவரத்தை தன்னால் முடிந்த மட்டும் குறைத்து வருகிறது, கட்டணங்களை மறைமுகமாக ஏற்றி வருகிறது. 

மேலும் படிக்க...

ஊழல்வாதிகளுக்கு இசட் பிளஸ் பாதுகாப்பும் , சாதாரண மக்களுக்கு வெடிகுண்டும்

உலகிலையே அதிகம் ஊழல் செய்யும் நமது அரசியல்வாதிகளுக்கு, மூன்று அடுக்கு, நான்கு அடுக்கு ஒய் , இசட் , இசட் பிளஸ் பாதுகாப்பும் ,பற்றாக்குறைக்கு கருப்பு பூனைப்படை , குண்டு துளைக்காத வாகனகங்கள் ,தனி விமானங்கள்  என்று அவர்கள் ஊழல் செய்வதற்கு அனைத்து பாதுகாப்பையும் இந்த அரசுகள் செய்து கொடுக்கின்றன.அப்படியே ஊழல் , கொலை , நில அபகரிப்பு போன்ற வழக்குகளில் கைதானால்  கூட ஜெயிலிலும்  சொகுசு வாழ்க்கை , பாதுகாப்பு வளையங்கள் சூழவே வளம் வருகிறார்கள். ஏனெனில் இவர்கள் பணம் ,அதிகாரம் படைத்தவர்கள், சூழ்ச்சிகாரர்கள், காரியவாதிகள், சுரண்டல்வாதிகள். முதலாளிகள் , முதலாளிகளின் அடிவருடிகள்.

மேலும் படிக்க...

நேபாளத்திற்கு புதிய பிரதமர் - மாற்றம் வருமா

நேபாளத்தில் புதிய அரசியல் அமைப்பு சட்டம் கொண்டு வருவதில் நேபாளி  காங்கிரஸ் மற்றுமுள்ள முதலாளித்துவ கட்சிகள் தொடர்ந்து பல முட்டு கட்டைகளை போட்டுவருகிறன. நேபாள மாவோயிஸ்ட் கட்சி செம்மையான மக்களின் நேரடி பங்களிப்புள்ள அரசியல் அமைப்பு சட்டத்தை உருவாக்க, கடுமையாக போராடிவருகிறது. இந்த நெருக்கடி சூழ்ந்த நிலையில்    நேபாளத்தின் புதிய பிரதமராக மாதேசி கட்சியின் உதவியோடு   ,நேபாள கம்யூனிஸ்ட் ( மாவோயிஸ்ட்)  கட்சியின் துணை தலைவர் டாக்டர் . பாபுராம் பட்டாரை , அவர்கள் தேர்ந்தெடுக்கப்பட்டுள்ளார். பட்டாரை புது டில்லியில் உள்ள ஜவகர்லால் நேரு பல்கலைகழகத்தில் முனைவர் பட்டம் பெற்றவர்.

மேலும் படிக்க...

தமிழக அரசுக்கு மாணவர்கள் கல்வி மீது அவ்வளவு அக்கறையா ?

இன்று( 18 .07 .2011 ) சென்னை உயர்நீதி மன்றம் சமசீர் கல்வித் திட்டத்தை 1 முதல் 10 வகுப்பு வரை இந்த கல்வி ஆண்டிலையே அமல்படுத்த வேண்டும் , அத்தோடு இந்த மாதம் 22 தேதிக்குள் பாடநூல்களை அனைத்து மாணவர்களுக்கும் வழங்க வேண்டும் என்று உத்தரவிட்டுள்ளது. ஏற்கனவே பள்ளிகள் துவங்கி இரண்டு மாதங்களாக மாணவர்கள் பாடப்புத்தகத்தையே தொடாமல் உள்ளனர். தமிழக அரசோ உச்ச நீதிமன்றத்தில் மேல்முறையீடு செய்வதாக முடிவு செய்துள்ளது .  

மேலும் படிக்க...

சினிமா வியாபாரத்திற்காக 27 மாவட்ட கிராம மக்களை ஏமாற்றிய கந்தசாமி பட தயாரிப்பாளர் தாணு ,இயக்குனர் சுசி கணேசன்

கந்தசாமி படம் இரண்டு ஆண்டுகளுக்கு முன்பு வெளிவந்தது. அந்த பட பாடல்கள் வெளியீட்டு விழவை ஒட்டி 27 மாவட்டங்களுக்கு ஒரு கிராமம் வீதம் தத்தெடுத்தனர். அந்த கிராமத்தையே மாதிரி கிராமமாக மாற்றுவோம் என்று கூறிய இயக்குனர் சுசி கணேசன் , மற்றும் ,தயாரிப்பாளர் தாணு கந்தசாமி பட பாடல்கள் வெளியீட்டுவிழாவிற்கு 17 .05 .2009 அன்று அனைத்து கிராமத்தினரையும் சென்னைக்கு வரசொன்னார்கள். 

மேலும் படிக்க...

பொது நூலகத்துறையில் நடந்த ஊழல்களை வெளிக்கொண்டுவந்த அறிவரசு பாண்டியன்

அரசுப்பள்ளி  என்பது மாணவர்களுக்கு ஆரோக்கியமான அறிவையும் ஊட்டக்கூடியதாக இன்று இல்லை. இந்த சூழ்நிலையில் பொதுநூலகங்களே மாணவர்களுக்கான அறிவு வாசலை திறந்து வைப்பவையாக உள்ளன. அதுவும் தினமும் வரும் நாளிதழ்கள் , வார இதழ்கள் தவிர நூலகங்களில் இருக்கும் பல நூல்களின் தரம் கேள்விக்குட்பட்டதே. 

மேலும் படிக்க...

அரசு பள்ளி மாணவன் தற்கொலையும் , ஆசிரியர்களின் ஆணவப்போக்கும்

 சேலம் மாவட்டம் பனைமரத்துப்பட்டி  அரசு மேல்நிலை பள்ளியில் பணிரெண்டாம் வகுப்பு படிக்கும் தாசநாயக்கன் பட்டி காலனியை சேர்ந்த சேகர் - அமலா தம்பதியின் கடைசி மகனான   சீனிவாசன்  தன்னுடைய வகுப்பில் கணிதப்பாடம் நடத்தும் ஆசிரியரிடம் அவர் பாடம் எடுப்பது மாணவர்களுக்கு சுத்தமாக  புரியவில்லை என்றும்  புரியும்படி வகுப்பு எடுக்குமாறும் பலமுறை கோரிக்கை விடுத்துள்ளார். ஆனால் கணித ஆசிரியரோ மாணவர்கள் சொல்வதை கிஞ்சித்தும் கண்டுகொள்ளாமல், கணிதப்பாடத்தை கரும்பலகையில் எழுதிப்போட்டுவிட்டு சென்றுவிடுவார்.

மேலும் படிக்க...

சுதந்திர போராட்ட வீரர் தியாகி வாஞ்சிநாதனின் நினைவை போற்றுவோம்

1947 இல் வெள்ளை ஏகாதிபத்தியத்திடம் இருந்து பெற்ற சுதந்திரம் இந்திய முதலாளிகளின் கைகளில் சென்று விட்டாலும் அந்த சுதந்திர போராட்டத்தில் ஈடுபட்ட பல சுதந்திர போராட்ட வீரர்கள் தங்கள் இன்னுயிரை துச்சமென மதித்து தாய்நாட்டின் அடிமைத்தளையை அறுத்தெறிய களம் இறங்கினர். இந்தியாவின் வடக்கே பகத்சிங் , ராஜகுரு ,சுகதேவ் ,சந்தரசேகர் ஆசாத் போன்ற ஈடு இணையற்ற சுதந்திர போராட்ட வீரர்களை போலவே தெற்கில் பாரதியார், வ.உ.சிதம்பரனார், வா.வே.சு.ஐயர், சுப்ரமணிய சிவா  போன்றவர்கள் வெள்ளையர்களுக்கு சிம்ம சொப்பனமாக திகழ்ந்தனர். இவர்களுள் திருநெல்வேலி மாவட்ட ஆட்சித்தலைவராக இருந்த ஆஷ்துரை என்ற கொடுங்கோலனை சுட்டுக்கொன்றதன் மூலம் தமிழக மக்கள்  மத்தியில் என்றும் நீங்காத இடத்தை பிடித்துள்ளார் தியாகி வாஞ்சிநாதன்.

மேலும் படிக்க...

எம் எப் ஹுசேனின் மறைவும் ,இந்திய அரசு அவருக்கு தந்த மரியாதையும்

அறிவியல்  தொழில்நுட்பத்தின் வளர்ச்சியில் சிற்பக்கலை, நாடகங்கள், தெருகூத்துகள் ஆகிய அனைத்தும் இருந்த இடம் தெரியாமல் அழிந்து  போய்  விட்டது என்றே சொல்லலாம். அந்த அளவிற்கு தொழிநுட்ப ரீதியாக அனைத்தையும் இணைக்கும்,   கலையாக சினிமா மட்டுமே இன்று விஞ்சி நிற்கிறது. அந்த சினிமாவும் வணிகரீதியாக என்ற போர்வையில் எந்த விதமான கலையுணர்ச்சியும் இல்லாதவர்களின் கைகளில் மாட்டிக்கொண்டுள்ளது.

மேலும் படிக்க...

சமச்சீராகுமா கல்வி

தமிழக அரசின் கல்வி   முதலாளிகளுக்கு  ஆதரவான போக்கும் ,அரசு பள்ளிகளின்  அவல நிலையும்

கல்வி என்பது அனைவருக்கும் இலவசமாக கிடைக்கவேண்டும். அதுவும் தரமான கல்வியாக இருக்கவேண்டும், என்பது இன்றுள்ள அனைத்து பெற்றோர்களின் நியாயமான எதிர்பார்ப்பாகும்.  தமிழகத்தில் அரசு பள்ளிகளுகென்று தனியான பாடத்திட்டமும் ,  மெட்ரிக் பள்ளிகளுகென்று தனியான பாடத்திட்டமும்  இருக்கிறது.  அரசு பள்ளிகளில் படிக்கும் குழந்தைகளுக்கு கடும் போட்டி நிலவும்  வேலைச்சந்தையில்  போட்டியிடக்கூடிய  எந்த வலுவும்  தர இயலாததாக அரசு பள்ளிகளுக்கான பாடத்திட்டம் இருக்கிறது  என்பது தான் இன்றுள்ள நிலைமை.

  இந்த அனைத்து படத்திட்டங்களையும் ஒன்றாக ஆக்க வேண்டும் என்று கல்வியாளர்களும் , இடதுசாரி இயக்கங்களும் பல போராட்டங்களை நடத்தி வந்தன. இதனை தொடர்ந்து ஒரு வல்லுநர் குழு தமிழக அரசால் ஏற்படுத்தப்பட்டது. அந்த குழுவின் பரிந்துரைகளின்படி பாடத்திட்டங்கள் பதிப்பிக்கப்பட்டன.இந்த படத்திட்டதிற்கு மெட்ரிக் பள்ளிகள் கடும் எதிர்ப்பு தெரிவித்தன. இதோடு அந்த பாடத்திட்டங்கள் அச்சுப்பிழை, மற்றும் தவறான தகவல்கள் நிறைந்ததாக வெளிவந்தது. சமச்சீர்கல்வி என்பது தங்கள் சாதனையாக காட்டிக்கொள்ள பெயரளவிற்கே அப்போது இருந்த திமுக அரசால் கொண்டு வரப்பட்டது.

 மேலும் படிக்க

http://www.keetru.com/index.php?option=com_content&view=article&id=14814:2011-05-26-09-02-07&catid=1:articles&Itemid=264

முதலாளித்துவ நிறுவனத்திற்கு ஆதரவாக பேசிய எம்எல்ஏவை அடித்து விரட்டிய ஆந்திரமாநில கிராம மக்கள்

ஆந்திரபிரதேசம்   விசாகபட்டினத்தை  சேர்ந்த சாரே கிராமத்தில்  முட்சிகா பூதேவி  நிறுவனம்  கனிமச்சுரங்கம் அமைக்க அரசிடம்  அனுமதி  கோரியிருந்தது . இந்த கிராமத்தில் பழகுடியான மக்கள் வசித்து வருகின்றனர். அப்பகுதியில் கனிமச்சுரங்கம் வந்தால் தங்கள் வாழ்வாதாரம் பாதிக்கப்படும் என்று அக்கனிமச்சுரங்கம் அமைப்பதற்கு அவர்கள் கடும் எதிர்ப்பை தெரிவித்து  வந்தனர். பல போராட்டங்களையும் நடத்திவந்தனர்.

மேலும் படிக்க...

மேற்கு வங்க இடது முன்னணி படு தோல்வி - பாடம் கற்பித்த மேற்கு வங்க உழைக்கும் மக்கள்

மே 13 ம் தேதி 5  மாநிலங்களுக்கான தேர்தல் முடிவுகள் பல  ஊடகங்களில் நேரடியாக  ஒளிபரப்பாகி கொண்டிருந்தது. அன்று அனைத்து                     தொலைக்காட்சிகளிலும் சிபிஐ, மற்றும் சிபிஎம் கட்சியை சேர்ந்த தோழர்கள் நேரடியான விவாதங்களில் ஈடுபட்டிருந்தனர். அவர்கள் அனைவருமே இந்தியாவில் நடைபெற்றுவரும் தேர்தல் ஜனநாயகத்தை பற்றி சிலாகித்து பேசிக்கொண்டிருந்தனர் . மேற்கு வங்க தேர்தல் முடிவுகள் வரத்துவங்கியதும் அவர்களின் சுருதி குறைய துவங்கியது. மற்ற மாநிலங்களை விட மேற்கு வங்கத்தில் இடதுசாரிகள் தோல்வியடைந்த செய்தியை ஊடகங்கள் உற்சாகமாக அறிவித்தன. ஏனெனில் அதில் அவர்களின் வர்க்க நலனும் அடங்கியிருக்கிறதல்லவா! உண்மையிலையே சிபிஎம்மோ சிபிஐயோ  உண்மையான கம்யூனிஸ்ட் கட்சிகள் அல்ல என்பது பாமர மக்களுக்கு கூட தெரியும் இருந்த போதும் முதலாளித்துவத்தை விழ்த்த காத்திருக்கும் ஆயிரம்கால்பூதம்  அல்லவா  கம்யூனிசம். கம்யூனிஸ்டுகள்  தோற்றனர் என்பதில் அவர்களுக்கு கண்டிப்பாக சந்தோசம் இருக்கவே செய்யும்  அதனால் தான் மேற்கு வங்கத்தில் கம்யூனிஸ்ட் கட்சிகள்  தோல்வியடைந்ததை  முதலாளித்துவ ஊடங்கங்கள் பெருமையுடன் முழங்கின. இவ்வளவு பெரிய தோல்வியை  யாரும் எதிர்பார்க்கவில்லை ,  புத்ததேவ் உட்பட பல அமைச்சர்களும் தோழ்வியை தழுவினர். 34  ஆண்டு கால கம்யூனிச   கோட்டை தூள்தூளானது. மேற்கு வங்க மக்கள் எந்த அளவிற்கு துன்பத்தை அனுபவித்திருக்கின்றனர் என்பது இதன் மூலம் தெளிவாகிறது.

மேலும் படிக்க...

பினாயக் சென்னும் , இந்திய இறையாண்மையும்

பன்னாட்டு நிறுவனங்களுக்கு இந்தியாவின்   மாபெரும்  கனிமவளங்களை விற்க மத்திய,மாநில அரசுகள் ஒப்பந்தம் போட்டன. ஆனால் அங்கு  வசிக்கும்  பழங்குடியின  மக்களுக்கு உரிய நிவாரணம்  எதையுமே  தராமல்  அவர்களை வன்முறையாக வெளியேற்றியது.  இதுபோன்ற அரசின் மக்கள் விரோத  போக்குகளுக்கு  எதிராக தொடர்ந்து போராடி வந்தார் மக்கள் மருத்துவர் பினாயக் சென். 

மேலும் படிக்க...

பயணிகளிடம் பகல் கொள்ளையடிக்கும் பேருந்து நிலைய கடைகள்

நாம் வெளியூர்  செல்ல அவசர அவசரமாக கிளம்பி பேருந்தை பிடிக்க ஓடுகையில் நமக்கு தேவையான பொருள்களை கொண்டு செல்ல மறந்து விடுவோம். அவசரத்திற்காக பேருந்து நிலையத்தில் உள்ள கடைகளில் பொருள்களை வாங்க  நாம் விலையை விசாரித்தால் நமக்கு தலை சுற்றலே வந்துவிடும். அந்த அளவிற்கு அதீத விலை வைத்து பொருள்களை    விற்கின்றனர். சாதரணமாக தண்ணீர் பாட்டிலின்  விலை 20 /- அதுவும் கூட்டம் அதிகம் வரும் நாட்களுக்கென்று தனி ரேட் வைத்து விற்கின்றனர்.

மேலும் படிக்க...

சி.பி.எம்மின் அமெரிக்க எதிர்ப்பு வேசமும் - அமெரிக்க ஆதரவு பாசமும் - அம்பலப்படுத்திய விக்கிலீக்ஸ்

இந்தியாவில் அரசியல் கட்சிகளின் பல அந்தரங்கங்களை விக்கிலீக்கிசில் அடுத்தடுத்து வந்த கேபிள்கள் இந்த கட்சிகளின் முதலாளித்துவ ஆதரவு  நிலையினை பகிரங்கப்படுத்தின. அணுசக்தி ஒப்பந்தமே இந்திய முதலாளிகளின் நிர்பந்தத்தால் தான் அரசு கவிழ்ந்தாலும்  பரவாயில்லை எம்பிக்களை விலைக்கு  வாங்கியாவது  அரசை  காப்பாற்றலாம் என்று காங்கிரஸ்  அரசு கொண்டு வந்தது. இது மட்டுமல்ல அப்போது இதற்கு மாநாடு போட்டு எதிர்ப்பு தெரிவித்த பி.ஜே.பி யும் கூட அந்த மாநாட்டு தீர்மானத்தை பெரிதாக கண்டு கொள்ளவேண்டாம் , இது மக்களை ஏமாற்ற நாங்கள் போடும் மாநாடு , நாங்களும்  இந்த  ஒப்பந்தத்தை ஆதரிக்கிறோம் என்று அமெரிக்காவிற்கு  பச்சை  கொடி  காட்டியது, இதை எல்லாம் மிஞ்சும் வகையில் அருண் ஜெட்லி   ‘நாங்கள் சந்தர்ப்பவாதிகள்’ பொதுமேடைகளில்  பேசுவதை எல்லாம் நீங்கள் கண்டு கொள்ளாதீர்கள்  என்று அமெரிக்க தூதரிடம் சொல்லுகிறார். இப்படி காங்கிரசும் , பி.ஜே.பியும் இந்திய முதாளித்துவத்தின் இருவேறு முகங்கள் என்பதும் இரண்டுமே போட்டி போட்டுக்கொண்டு முதலாளித்துவ சேவை செய்வதும் அசலும் , நகலுமாக அம்பலமாகி இருக்கிறது.

மேலும் படிக்க...

நேபாளில் புதிய அரசியலமைப்புசட்டம் விரைவில்...

உலகமே முதலாளித்துவத்தின்  கோரப்பிடியில் சிக்கிகொண்டிருக்கும் போது விண்ணில் தோன்றிய விடிவெள்ளியாய், நேபாள வாணில் உதயமானது தொழிலாளி வர்க்கத்தின் சர்வதேச கீதம். இரசிய, சீனா ஆகிய மிகப்பெரிய நாடுகளில் சோஷலிச சமுதாயம் சிதைந்து திருத்தல் வாதபோக்குகள் மிகுந்து தொழிலாளிவர்க்கம் நம்பிக்கை இழந்து இருக்கும் நேரத்தில் கடும் போராட்டத்தின் மூலம் தொழிலாளிவர்க்கத்தை அணிதிரட்டியது தோழர்.பிரசந்தா தலமையிலான  நேபாள மாவோயிஸ்ட் கட்சி. மார்க்ஸ் கண்ட கனவை லெனின் ரசியாவில் நிஜமாக்கிகாட்டினார், அன்னியர் ஆதிக்கத்திலும் , முதலாளித்துவம் முழு வளர்ச்சி அடையாதிருந்த  சீனாவை மக்கள் ஜனநாயக புரட்சிமூலம் வென்றெடுத்து மார்க்சியத்திற்கு புதிய பரிணாமம் கொடுத்தார் தோழர். மாவோ.

அதன் தொடர்ச்சியாக  தோழர்.  பிரசந்தா  தலமையிலான நேபாள மாவோயிஸ்ட் கட்சி மார்க்சிய கருவுலத்திற்கு பல புதிய செழுமைகளை சேர்த்துள்ளது. நேபாளம் இந்திய ஏகாதிபத்தியத்தின் கைப்பாவையாக மன்னரின் ஆட்சியில் இருந்தது , அங்கு பின்தங்கிய விவசாயமும் , முன்னேறிய நகர்புற பகுதிகளுமான வித்தியாசமான பொருளாதார சூழ்நிலைகளை  கணக்கில் எடுத்து கொண்ட தோழர். பிரசந்தா தலமையிலான நேபாள மாவோயிஸ்ட் கட்சி அங்கு உள்ள 7 கட்சிகளுடன் ஒப்பந்தத்திற்கு வந்தது.அதன் மூலம் மன்னர் ஆட்சி அகற்றப்பட்டு அரசியலமைப்பு வரைவிற்கான  தேர்தல் நடைபெற்றது.அதில் பெரும்பான்மையான இடங்களை பிடித்தது நேபாள மாவோயிஸ்ட் கட்சி. தோழர் .பிரசந்தா பிரதமர் ஆனா போதும் மக்கள், அதிகாரத்திற்கு பலியாகாமல் மக்கள் இயக்கங்களின் தொடர்ச்சியாக தட்டி எழுப்பியது நேபாள மாவோயிஸ்ட் கட்சி . ராணுவ தளபதி பதவி  சம்பதமாக  குடியரசு தலைவர், பிரதமரின் முடிவை நிராகரித்ததால் தோழர்.பிரசந்தா பிரதமர் பதவியை துக்கு எறிந்தார். மக்கள் இயக்கங்களை நடத்தி மற்ற கட்சிகளின் மக்கள் விரோத போக்குகளை நேபாள மாவோயிஸ்ட் கட்சி அம்பலப்படுத்தியது. அதன் மூலம் நேபாள மக்கள் மத்தியில் பெரும் செல்வாக்குடன் வளம் வருகிறது.

அரசியலமைப்பு சட்டம் வரைவதில் மற்ற முதலாளித்துவ கட்சிகள் தொடர்ந்து  முட்டுக்கட்டை  போட்டுவருகின்றன. நேபாள மாவோயிஸ்ட் கட்சியானது அரசியலமைப்பு  சட்டத்தில் பல சோஷலிச தன்மையுள்ள சரத்துகளை கொண்டு வர கடுமையாக போராடிவருகிறது. அதில் வெற்றியும் பெற்றுள்ளது எனலாம், இன்னும் இரண்டு மாதத்தில் புதிய அரசியலமைப்பு சட்டம் அமலுக்கு வரும் என்று பிரதமர். கானல் அறிவித்துள்ளார்.இது நேபாள மாவோயிஸ்ட் கட்சிக்கும் நேபாள உழைக்கும் மக்களுக்கும் கிடைத்த வெற்றி என்று கூறலாம். இது உலகமெங்கும் இருக்கும் உழைக்கும் வர்க்கத்திற்கு மகிழ்சியான செய்தியாகும்.

தொழிலாளர்களுக்கு துரோகம் செய்த எஐடியுசியும், ஒட்டுவேட்டையாடப்போகும் சி.பி.ஐ.யும்

நம்முள் பலருக்கு  காலையில் எழுந்தவுடன் தேனீர் அருந்தாவிட்டால் அந்த நாள் இனிமையான நாளாக  துவங்காது. ஆனால்  அந்த  அந்த டீத்துகல்களுக்கு பின்னால்  லட்சக்கணக்கான தோட்டத்தொழிலாளர்களின் கடுமையான  உழைப்பும்,அத்தொழிலாளிகளை 

ஈவிரக்கமின்றி  சுரண்டி பெரும் லாபம் ஈட்டும் எஸ்டேட் முதலாளிகளின் கோரமுகமும், இடது சாரிகள் என்று கூறிக்கொண்டு ஒரு கையில் செம்பதாகையகை ஏந்திக்கொண்டு மற்றொரு கையில் அந்த எஸ்ட்டே முதலாளிகளோடு கைகோர்த்து கொண்டு, உழைப்பை தவிர எதுவும் அறியாத அந்த தோட்டத் தொழிலாளர்களுக்கு   துரோகம் இளைத்த எஐடியுஸியும் இருப்பது நம் கண் முன்னாள்    நிழலாடுகிறது.

அந்த மலைவாழ் தோட்டத் தொழிலாளர்கள் வாங்கும் ஒரு நாள் சம்பளம் 150  ரூபாய்க்கு கீழ் தான்.அந்த சம்பளமும் கூட அந்த தொழிலார்களின் நீண்ட நாள் போராட்டத்தினால் கிடைத்ததுதான்.அதுவும் இன்று விலைவாசி உச்சத்தில் ஏறி நிற்கும் நிலையில் அந்த சம்பளத்தை வைத்து வாழ்க்கை நடத்துவதென்பது மிகவும் கடினம். ஒரு புறம் இயற்கைக்கெதிராக   தற்காப்பு போராட்டமும்  ,மறுபுறம்  அத்தோட்ட  முதலாளிகளின்   சுரண்டலுக்கு எதிரான போராட்டமுமாக வாழும்   சூழலில் தொழிலாளர்களின்   நலனை காக்க வேண்டிய செங்கொடி தாங்கிய தொழிற்சங்கமும் தங்களுக்கு துரோகம் இழைக்கும் என்று அத்தொழிலாளர்கள் கனவிலும் கூட நினைத்திருக்க மாட்டார்கள். போராடி பெற்ற கூலியுயர்வை எஐடியுசி நிர்வாகிகள் சிலரின் சுயநலத்திற்காக அத்தோட்ட முதலாளிகளிடம் அடைமானம் வைத்தது, ஏற்கனவே வாங்கிய கூலியில் இருந்து ஐம்பது ரூபாயை குறைத்து சம்பள வெட்டு ஒப்பந்தில் கையெழுத்திட்டது.

இது போன்ற துரோகங்கள்  எஐடியுசிக்கு புதியது ஒன்றும் அல்ல ‘பாலுக்கும் காவலன் பூனைக்கும் தோழன்’ என்பது போல நாடுமுழுவதும் தொழிலார்களின் தோழனாக காட்டிக்கொண்டு முதலாளிகளோடு சேர்ந்துகொள்வது என்பது  அதன் நடைமுறையில் வழக்கமாக உள்ள ஓன்று தான். இந்த தொழிலாளர் துரோக ஒப்பந்தத்தால் பல தோட்டத்தொழிலார்கள் அச்சங்கத்திலிருந்து வெளியேறினார்கள்.  இப்போது அதே தோட்டத் தொழிலாளர்களிடம் குன்னூர் தொகுதியில்  ஓட்டுகேட்டு தொழிலாளர்களுக்கு   தாங்கள் செய்த பச்சை துரோகத்தின்   சாயல் சிறிதும் இன்றி சிபிஐ கட்சி  வளம்   வந்துகொண்டுள்ளது. அக்கட்சிக்கு எஸ்டேட் முதலாளிகள் வேண்டுமானால் தேர்தலுக்கு பண உதவி செய்ய முன்வரக்கூடும். வெற்றி பெற்று அந்த எஸ்டேட் முதாளிகளின் பிரச்சனைகளை சட்டமன்றத்தில் வைக்க கூடும்.தாங்களும் முதலாளித்துவ ஆதரவு பெற்ற தொழிலாளர் விரோதிகள் தான் என்பதை வெளிப்படையாக   சொல்லிக்கொள்ளலாம் .ஆனால் அத்தொழிலாளர்களிடம் தாங்கள் இழந்த நற்பெயரை அக்கட்சி எந்த காலத்திலும் திரும்ப பெற முடியாது.